Langisandur
Langisandur á Akranesi er frábær útivistarstaður. Hann liggur frá Sementsverksmiðjunni, meðfram íþróttavellinum að Dvalarheimilinu Höfða. Hér má finna nánari upplýsingar um sandinn.
Skagamenn fara í gönguferðir þar allan ársins hring og í öllum veðrum, sleikja sólina á góðviðrisdögum og vaða í sjónum. Einnig er vinsælt að fara í sjóböð þar. Sjá má hestamenn á sandinum á sumardaginn fyrsta ár hvert, mótokrosskeppnir eru reglulega haldnar þar, einnig busavígslur Fjölbrautaskóla Vesturlands og sandkastalakeppni á Írskum dögum í júlí. Og margt, margt fleira. Aggapallur, glæsilegur sólpallur, er staðsettur fyrir aftan stúkuna við íþróttavöllinn. Þar er aðstaða til veitingasölu í litlu húsi sem ÍA hefur nýtt sér í hálfleik þegar leikir hafa farið fram.
Þessi síða var stofnuð í þeim eina tilgangi að deila dýrðinni með öðrum, eða útsýninu. Einnig má finna hlekki tengda Akranesi og ljósmyndir frá árinu 2006 til dagsins í dag. Forsíðuljósmyndin er eftir Friðþjóf Helgason.